Perepet Jengkol

Perepet jengkol jajahean
Kadempet kohkol jejeretean
Perepet jengkol jajahean
Kadempet kohkol jejeretean

Lagu kaulinan barudak eta di tembangkeun bari ngalakonan hiji kaulinan. Saeutikna kudu dilakukeun ku tilu barudak. Carana silih patongong-tonggong, hiji suku diangkat jadi engkle terus suku nu diangkat tadi dikaitkeun kana suku budak nu lain nu sarua diangkat. Kabehanana silih ngait antara hiji suku jeung suku nulainna. Lamun geus panceg pakait suku, kabehannana nembangkeun lagu parepet bari muter jeung luluncatan. Terus dikeprokan kuleungeun sangkan leuwih sumenget nembangna. Beuki lila muterna beuki cepet. Saha nu cape jeung teu saimbang awakna biasana sok labuh jeung ngaleupaskeun suku nu pakait. Biasana sok disorakan jeung diseungseurikeun lamun eleh labuh. Kabehananana tungtungna seuseurian pinuh ku kabungah. Lamun dilakukeun leuwih ti tilu budak kaulinan ieu leuwih rame. Nu eleh tadi kaluar teu meunang ngiluan deui kaulinan. Terus nepi ka ngan ukur duaan. Nu meunang ditangtukeun ku saha anu kuat engkle bari muter.

Jakarta 26 Juli 2009Sok inget baheula keur leutik pinuh ku kaulinan